كتير بنسأل نفسنا إزاى أغير حياتى للأفضل و إزاى أكون أكثر
أنتاجية و البعد عن مضيعات الوقت و المشتتات فى الحياة .
و حقيقة أن كلنا نستحق حياة أفضل لكن ده بيتطلب مننا أتخاذ خطوات مفاجأة للتغيير كثير عايزين يغيروا حياتهم و لكنهم قائمين فى منطقة الراحة و يرفضون التحرك السريع لعمل إنجاز جديد.
لازم تسأل نفسك الأول ماذا تريد أن تغير فى حياتك و شخصيتك لتكون أفضل مما عليه الوقت ده وابدأ فى تدوين اللى بتفكر فيه و ماهى الدوافع الحقيقية وراء هذا التغيير و هل أنت ستكون مرتاحا و مبسوط بالتغيير ده و تخيل شكلك عند حدوث هذا .
و السر فى ده بيرجع لعاداتنا اليومية لأنها سبب رئيسى فى حياتنا سواء بالسلب أو بالإيجاب .
و إليك بعض النصائح المهمة لتغيير حياتك للأفضل .
أهم النصائح لتغيير حياتك للأفضل
ابعد عن الهاتف قبل النوم
قبل النوم بنصف ساعة ابعد عن الهاتف أو اللاب أو التلفزيون و أشغل نفسك قراءة كتاب أو وقراءة القرآن و ممكن دردشة مع العائلة .
كتابة اليوميات قبل النوم
عند قيامك بكتابة خطة يومك و أهدافك و مهامك اليومية ده هيساعدك أنك تبدأ يومك صح و أيضا هتابع يومك و أنجازاتك و متابعة المهام و نقاط القوة و الضعف لديك لتحقيق إنجازك اليومى.
الأستيقاظ وقت الفجر
أظبط المنبه الساعة ٥ الفجر و ابدأ يومك بالوضوء و الصلاة و تقرا ورد من القرآن و أذكار الصباح .
من أهم العادات الأستيقاظ فجرا و هذه العادة يعملها الناجحون و كثير من العظماء لأنها بتحتاج للإنضباط و الإلتزام و أثبتت كثير من الدراسات أن من يلتزمون بالإستيقاظ مبكرا يومهم بيكون أكثر إنتاجية و بيحصلوا على درجات أعلى من غيرهم و طبعا عند إنجاز مهامك فى الصباح الباكر ده هينعكس على يومك و يكون أكثر إنتاجية .
و هنا مجموعة أمور هتساعدك على الأستيقاظ و صلاة الفجر
١_النوم المبكر
٢_نية الإستيقاظ المبكر و صلاة الفجر
٣_قراءة أذكار النوم و أية الكرسى
٤_الأستعاذة من الشيطان الرجيم و الوضوء وقت الأستيقاظ و يفضل طبعا الأستعانة بمن يوقظك .
تنظيم الوقت
أنك تتعلم إزاى تدير وقتك صح و تبعد عن مشتتات الحياة و مضيعات الوقت من أهم العادات اللى لازم تتعلمها متنتظرش من شخص أخر يدير يومك .
و ابدأ فى خطوات لإدارة وقتك بطريقة صحيحة من خلال تدوين مهامك و وضع علامة عند إنجاز مهمة معينة و ديما تراقب وقتك عشان توصل إلى أكثر نتيجة مضمونة .
الأهتمام بصحتك
أنك تهتم بصحتك و تقوى مناعتك ده من أهم أسباب النجاح و إنك تقدر تتفادا كثير من الأمراض بالنظام الصحى السليم .و من أهم النصائح عرض جسمك للشمس فى النهار للحصول على فيتامين د و تناول وجبة الإفطار و لحرص على شرب الماء بطريقة منتظمة و حاول تشرب كوب كل ساعة .
ممارسة الرياضة
ممارسة الرياضة هتساعدك على زيادة التركيز و هتكون أكثر نشاطاً و هتنجز مهامك فى وقت قصير.
الأهتمام بنفسك
عليك أن تهتم بذاتك و أن تتعامل برفق معها و عند قيامك بمهامك فى الوقت المحدد قم بمكافأة نفسك و خليك مقتنع أن عند تقديرك لنفسك الناس هتحترمك و تقدرك .
التأمل
عند الاستيقاظ من النوم قم بممارسة التأمل و إنك تجلس فى مكان هادئ ووضع مريح لجسمك و ابدأ فى التأمل و خذ نفس عميق و تأمل و رددت كلمات إيجابية و أحمد ربنا على النعم العظيمة و على اليوم هذا اليوم.