أخر الاخبار

أفضل 5 قنوات يوتيوب لطفلك

الإنترنت و التكنولوجيا الحديثة سيطرت بشكل كبير على حياتنا و أصبحت عامل أساسى و ضرورى فى يومنا بمختلف الأعمار .
و اليوتيوب من أهم المصادر اللى بتشتغل وقتنا ووقت أطفالنا بذات و اليوتيوب ليه إيجابيات و سلبيات و بما أنه عنصر لا يمكن الأستغناء عنه بالنسبة لأطفالنا فيجب علينا نهتم بالمحتوى اللى بيتقدملهم و نحاول نبحث عن محتوى هادف و آمن لأطفالنا لأنهم أمانة يجب المحافظة عليهم لان فى وقتنا هذا كل شئ متاح لهم و أطفالنا مش هيعرفوا يفرقوا بين المحتوى السئ و الهادف .

نصائح مهمة يجب أتباعها للمحافظة على أطفالنا 

  1. حددى وقت معين لطفلك و قسميه على فترات من اليوم 
  2.  حاولى أنك تبدأى مع طفلك من سن ٣ سنين .
  3.  فترة استراحة بين الفيديوهات حتى عينه تستريح و متأثرش عليها .
  4.  خليكى ملتزمة بالوقت مع طفلك .
  5.  اتفاعلى مع طفلك و شاركيه من خلال تاخدى رأيه و عجبه ولا .
  6. لو طفلك كبير شوية أتناقشى معاه فى الوقت و التزمى معاه .
  7.  يكون فى مبدأ ثواب و عقاب و أنه ممكن يكون مكافأة لو عمل حاجة كويسة أو العكس .
أفضل 5 قنوات يوتيوب لطفلك


بما أن من الصعب البحث عن محتوى جيد لأطفالنا فحرصا منا على أبنائنا هنقدم لكم أهم ٥ قنوات لاطفالنا بداية من سن ٣ سنين و تكون آمنة و هادفة .

1_ قناة تعلم مع زكريا 

من أهم القنوات اللى بتقدم محتوى هادف من خلال مجموعة فيديوهات لأطفالنا و أيضا للآباء و معلمين .
القناة مليئة بالحيوية والنشاط لأبنائنا هتخلى الطفل يبتسم و يتعلم فى وقت واحد و أنه يحفظ الحروف و معلومات عامة و يحفظ قصار السور و يعرف أسماء الحيوانات و الفواكه والخضروات و يميز بين الألوان و كثير من المواضيع الأخرى باللغة العربية والإنجليزية و الفرنسية .

للإشتراك فى القناة     إضغط هنا

2_ قناة ميزو كيدز 

قناة تعليمية للأطفال بتقدم محتوى مهم عبارة عن مجموعة فيديوهات عن كيفية نطق الحروف و أفلام كرتونية تعليمية  و بتساعد على  الكلام بطرقة صحيحة و التمييز بين أصوات الحيوانات و الألوان و الأرقام و نتعلم طفلك من سن ٣ سنين ل ٦ سنين .
للإشتراك  فى القناة لطفلك   إضغط هنا 


3_ أناشيد الروضة 

قناة متخصصة لطفلك و تعليمه و تعتبر مدرسة ألكترونية متكاملة و منهجها قائم على التشجيع و الترفيه و التشويق بحيث يصبح المحتوى اللى لتقدمه ثابت فى عقل الطفل و مخيلته .
تعلم الأطفال الحروف و الالوان و النطق و الفواكه والخضروات و الحيوانات و الأشكال .
و هتساعد أطفالنا التحدث باللغة العربية الفصحى و من أهم مميزاتها أنها بتقدم محتوى دون موسيقى و بدون إيقاع .
عدد المشتركين فى القناة أكثر من ٢.٥  مليون مشترك و تحتوى على ٨٣٩ فيديو 
 للإنضمام للقناة  إضغط هنا  

٤_ قناة عالم سمسم 

هذه القناة تعد أحدث برنامج عربى للأطفال من تنفيذ و إبداع مبتكرى افتح يا سمسم .

تحتوى على مجموعة فيديوهات بها مواقف و معلومات مهمة لأطفالنا 
و بتقدم مجموعة شخصيات كرتون بتمثل مواقف و مشاكل نفسية بيتعرض لها الأطفال و طريقة حلها و بتعرض المشاكل بطريقة مبدعة من خلال نقاشات و حوار بين أطفال و دكاترة متخصصة فى مشاكل الأطفال بحيث يقدر يفهم الطفل المشكلة و حلها و إزاى يتصرف لو مر بمشكلة زيها .

للإشتراك فى قناة عالم سمسم إضغط هنا

5_ قناة سارة و سعود 

سارة و سعود هما شخصيتين كرتونية محببين لأطفالنا  و بتقدم محتوى هادف من خلال مجموعة فيديوهات مهمة بتساعدهم على فهم و تفسير قصار السور من خلال مسلسل سارة و سعود فى روضة القرآن و مسلسل هيا نتعلم  أخلاق الرسول صلى الله عليه وسلم و مسلسل سعود و سارة فى رحاب النبوة .
تعد القناة  مهمة لأبنائنا ليتعرفوا على سيدنا محمد و على تفسير مجموعة من قصار السور و أيضآ مواقف معينة و حكايات فى ديننا الإسلامى .

للإشتراك فى قناة سعود و سارة   إضغط هنا 

كتبته /سماح محمود 
تعليقات



حجم الخط
+
16
-
تباعد السطور
+
2
-